ຄະນະນຳເຂື່ອນໄຟຟ້ານ້ຳເທີນ 1 ຢັ້ງຢືນວ່າການຮົ່ວຊຶມຂອງເຂື່ອນດັ່ງກ່າວ ບໍ່ມີຜົນກະທົບຕໍ່ຕົວເຂື່ອນ ແລະ ຍັງມີຄວາມປອດໄພຮ້ອຍເປີເຊັນ
ເມື່ອບໍ່ດົນມານີ້ ສັງຄົມກຳລັງໃຫ້ຄວາມສົນໃຈກ່ຽວກັບເຂື່ອນໄຟຟ້ານ້ຳເທີນ 1 ແລະ ກໍມີຄວາມກັງວົນໃຈຢ້ານມີບັນຫາຕາມມາ ກ່ຽວກັບເຂື່ອນແຕກຕ່າງໆນານາ ເພາະມີຂ່າວທີ່ຄົນພົບວ່າເຂື່ອນນ້ຳເທີນ 1 ມີນ້ຳໄຫຼຊຶມອອກມາ. ຕໍ່ກັບບັນຫາດັ່ງກ່າວນີ້ ທ່ານ ບຸນຍັງ ເພັງສຸວັນ ທີ່ປຶກສາໃນການພັວພັນກັບລັດຖະບານ ແລະ ຄະນະຮັບຜິດຊອບຄວາມປອດໄພຂອງເຂື່ອນໄຟຟ້າ ຂອງບໍລິສັດເຂື່ອນໄຟຟ້ານ້ຳເທີນ 1 ໄດ້ອອກມາຊີ້ແຈງຕໍ່ສັງຄົມ ກ່ຽວກັບປະເດັນດັ່ງກ່າວນີ້ ເພື່ອໃຫ້ເກີດມີຄວາມເຂົ້າໃຈ.
